Wednesday, January 5, 2011

കൊല്ലൂര്‍ / മുരുദേശ്വര്‍ യാത്ര -1

23-12- 2010 വൈകിട്ട്  വ്യാഴാഴ്ച  അഞ്ചു മണിക്ക് ഞാനും കുടുംബവും  കൊല്ലൂരിലേക്കുള്ള യാത്രയുടെ തുടക്കം    ചെന്നൈയില്‍  നിന്നും ഞങ്ങള്‍ മാംഗ്ളൂര്‍ എക്സ്പ്രസ്സില്‍ ആരംഭിച്ചു.  സെക്കണ്ട്  ക്ലാസ്  ഏ. സി. കോച്ചിലെ  യാത്ര വളരെ സുഖകരം തന്നെ എങ്കിലും സഹയാത്രികര്‍ പരസ്പരം സംസാരിക്കാന്‍  മുതിരുന്നില്ല എന്നത്  ഒട്ടും തന്നെ തൃപ്തികരം അല്ല. ഫ്രഞ്ച് താടിയും കണ്ണടയും വെച്ചിരുന്ന സഹയാത്രികന്‍ മൊബൈല്‍ ഫോണില്‍ വന്ന ഒരു ഒഫിഷ്യല്‍ മെസ്സേജ്,  മൊബൈല്‍ വെച്ചു ഗെയിംസ് കളിച്ചു കൊണ്ടിരുന്ന അദ്ദേഹത്തിന്റെ  ഭാര്യ കൃത്യ സമയത്ത് അദ്ദേഹത്തെ അറിയിക്കാത്തതിനെ തുടര്‍ന്നു  ഇംഗ്ലീഷില്‍ ഭാര്യയോട്‌ കയര്‍ക്കുന്നത് കാതില്‍ വീണു. ഇനി എന്റെ മൊബൈലില്‍ തൊടരുത് എന്നു ഒരു മുന്നറിയിപ്പും.  കര്‍ട്ടന്‍ പതുക്കെ നീക്കി ഞങ്ങള്‍ ഈ ശകാരം  കേള്‍ക്കുന്നുണ്ടോ എന്നു അദ്ദേഹത്തിന്റെ ഭാര്യ ഞങ്ങളെ ശ്രദ്ധിക്കുന്നത് കണ്ടു. അവരുടെ മകന്‍ പന്ത്രണ്ടു വയസ്സ് തോന്നിക്കുന്ന ഗോവിന്ദ്  ഞങ്ങളെ  ശ്രദ്ധിക്കുകയോ, ഒന്നു പുഞ്ചിരിക്കയോ ചെയ്യാതെ കംപാര്‍ട്ട്മെന്റില്‍ ഒരു യന്ത്രം പോലെ പെരുമാറുന്നത് കണ്ടപ്പോള്‍ അത്ഭുതം തോന്നി. ഞങ്ങള്‍ രാത്രിയില്‍ സുഖമായി ഉറങ്ങി. അഞ്ചു മണിയോടെ ഉറക്കം മതിയാക്കി (സഹയാത്രികന്റെ ഭാര്യ) മാഡം എഴുനേറ്റു. ലൈറ്റ് ഇട്ടുകൊള്ളൂ എന്നു ഞാന്‍ അങ്ങോടു പറഞ്ഞു. അത്ഭുതം!  എനിക്ക് ഒരു താങ്ക്സ് പറഞ്ഞു കൊണ്ടു മുഖം കഴുകി വന്നു ഇംഗ്ലീഷ് നോവല്‍ വായിക്കാന്‍ തുടങ്ങി. പയ്യന്നൂര്‍ വന്നതും അവര്‍ മൂവരും ഇറങ്ങി.

                 

ട്രെയിനില്‍ ഇരുന്നു കൊണ്ടു തന്നെ കേരളത്തിന്റെ ദൃശ്യ ഭംഗികള്‍ കുറയൊക്കെ ക്യാമറയില്‍ പകര്‍ത്തി. വടക്കേ മലബാറിന്റെ പ്രകൃതി ഭംഗികള്‍ ആസ്വദിക്കാന്‍ കിട്ടിയ അവസരം ഒട്ടും തന്നെ പാഴാക്കാന്‍ ഞങ്ങള്‍  തയ്യാറായില്ല.  പ്രഭാത കര്‍മ്മങ്ങള്‍  കഴിഞ്ഞു ആ   മനോഹരമായ  പ്രകൃതി ഭംഗികള്‍ ആസ്വദിച്ചു







                  










                  
           ട്രെയിനില്‍ നിന്നും  പ്രഭാതത്തില്‍ എടുത്ത വടക്കന്‍ കേരളത്തിലെ ചില ദൃശ്യങ്ങള്‍ 

 കൊണ്ടിരുന്നു. ഞങ്ങളുടെ ട്രെയിന്‍  ഒരു മണിക്കൂര്‍ വൈകി (ഡിസംബര്‍ 24) രാവിലെ പത്തു മണിക്ക് മാംഗ്ലൂരില്‍ എത്തിച്ചേര്‍ന്നു.  റെയില്‍വേ സ്റ്റേഷനിലെ റെസ്റ്റോറന്‍റ്റില്‍ ലഘു ഭക്ഷണത്തിനു ശേഷം ഞങ്ങള്‍ റെയില്‍വേ സ്റ്റേഷന്‍ വിട്ടു വെളിയില്‍ എത്തി.


 
                                 മാംഗ്ലൂര്‍ റെയില്‍വേ സ്റ്റേഷന്‍
 കൊല്ലൂരിലേക്ക് പോകാന്‍ ബസ്‌സ്റ്റാന്റില്‍ പോകണം എന്ന് ഒരു ഓട്ടോ ഡ്രൈവറോട്‌ പറഞ്ഞു. അദ്ദേഹം സ്റ്റേഷനില്‍ പാര്‍ക്കു ചെയ്തിരുന്ന ഒരു പ്രൈവറ്റ്  ബസ് ചൂണ്ടി കാട്ടി ആ ബസ്‌ കൊല്ലൂരിലേക്ക് ഉള്ളതാണ് എന്ന് പറഞ്ഞു. ഞങ്ങള്‍ ആ ബസ്സില്‍ കയറി സൈഡ് സീറ്റ് പിടിച്ചു. പതിനൊന്നു മണിക്ക് പുറപ്പെട്ട ബസ്‌   മാംഗ്ലൂര്‍ ബസ്‌ സ്റ്റാന്റില്‍  എത്തി യാത്ര തുടര്‍ന്നു. ബസ്സില്‍ ഉണ്ടായിരുന്ന യാത്രക്കാര്‍ അധികവും മലയാളികള്‍ തന്നെ. തുടര്‍ന്നു ഒരു ആഴ്ച്ചയോളം  കൃസ്തുമസ് അവധിക്കാലം ആയതിനാല്‍  തിരക്ക് അധികം കാണപ്പെട്ടു. ബസ് സാമാന്യം സ്പീഡില്‍ തന്നെയാണ് പൊയ്ക്കൊണ്ടിരുന്നത്. 128 കിലോ മീറ്റര്‍ ദൂരമാണ് മാംഗ്ലൂരില്‍ നിന്നും കൊല്ലൂര്‍ മൂകാംബിക ക്ഷേത്രത്തിലേക്ക്.  മനോഹരമായ  പ്രകൃതി ഭംഗികള്‍ നിറഞ്ഞ പ്രദേശങ്ങള്‍, പുഴകള്‍,   വീടുകള്‍,    തെങ്ങും പ്ലാവും മാവും നിറഞ്ഞു നില്‍ക്കുന്ന കേരളം പോലെ തന്നെ എന്ന അനുഭവം ഉണ്ടായി.



                     ബസ്സില്‍ ഇരുന്നു എടുത്ത ദൃശ്യങ്ങള്‍
  
സുമാര്‍ മുപ്പതു  നിമിഷത്തില്‍  മുല്‍ക്കി എന്ന ടൌണില്‍ എത്തി. അവിടെ നിന്നും മുപ്പത്തി അഞ്ചു  നിമിഷം  കഴിഞ്ഞപ്പോള്‍ ബസ്‌ ഉടുപ്പിയില്‍ എത്തി. അവിടെ അഞ്ചു നിമിഷം ബസ്‌ നിര്‍ത്തിയ ശേഷം യാത്ര തുടര്‍ന്നു.  പകല്‍ കൃത്യം  രണ്ടര മണിക്ക് കൊല്ലൂരില്‍ എത്തി. വിദ്യാ പ്രദായിനിയായ സരസ്വതീ ദേവി കുടി കൊള്ളും കൊല്ലൂരിലെ പുണ്യ ഭൂമിയില്‍ എന്റെ  വലതു  കാല്‍ വെച്ച് ബസ്സില്‍ നിന്നും ഇറങ്ങി. 



3 comments:

  1. വളരെ നന്നായി കേട്ടോ അമ്ബുജാക്ഷേട്ടാ... ഇതിന്റെ രണ്ടാം ഭാഗം ഉണ്ടോ? വായിച്ചു വന്നപ്പോള്‍ പെട്ടന്ന് കഴിഞ്ഞ പോലെ തോന്നി. മതിയായി എന്നാ ഒരു തോന്നല്‍ ഉണ്ടായില്ല.

    ReplyDelete
  2. തീര്‍ച്ചയായും ഉണ്ടാകും. അതുകൊണ്ടല്ലേ കൊല്ലൂര്‍ / മുരുഡീശ്വര്‍യാത്ര-1 എന്ന് ഏഴുതിയിട്ടുള്ളത്.

    ReplyDelete
  3. Second class ACyil pratekichu keralthil itokke prateekshichal mathi...Enikum palapolum thonarund pothu samoohathil ninnu vittu nilkan sramikunavar anu kooduthalum ACyil ennu...Laptopum, Mobilum English Novelum matram anu avarude lokam ennum, Abhinayam ano satyam ano ennu ariyilla.....

    ReplyDelete